Duha ka person of interest giimbestigar

CEBU, Philippines — Ang kapolisan sa Dakbayan sa Sugbo aduna na kini duha ka person of interest nga gipaubos karon sa imbestigasyon kalabotan sa kamatayon sa usa ka call center agent.

Si Cristina Jayson, 25- anyos gipatay kini diha sa Joseville Subdivision sa Sitio Upper, Barangay Bacayan, sa nilabay’ng mga adlaw.

Matud ni Police Senior Superintendent Royina Garma, city director Cebu City Police Office aduna na silay duha ka person of interest diin gipaubos karon sa imbestigasyon.

Giingong adunay tulo ka kuha sa Close Circuit Television (CCTV) camera sa nahisgutang hitabo nga gisusi karon sa kapolisan.

Si Garma mapasalamaton sa mga establisamento diha sa lugar nga nakig-alayon kanila.

Gibutyag ni Garma nga sa pasiunang imbestigasyon usa sa motibo sa pagpatay giingong love triangle.

Matud usab ni Garma nga base sa trending karon nausab ang hinungdan sa mga pagpamatay dili na tungod sa drugas kabahin na sa gugma.

Giawhag ni Garma ang katawhan nga adunay mga hulga nga nadawat nga makig-alayon sa kapolisan aron mahimoan kini og imbestigasyon.

Dugang ni Garma nga dili tanang mga lugar ma-cover sa kapolisan hinungdan nga kinahanglan nga magmatngon ang katawhan tungod kay responsibilidad usab sa tanan ang ilang kaluwasan. (BANAT NEWS)