Lalaki nasakmitan og P238 mil nga shabu
CEBU, Philippines — Nikabat sa P238 mil ang balor sa drugas nga nasakmit sa mga tinugyanan sa Punta Princesa Police Station atol sa buy-bust operation sa may Sitio Anahaw, Barangay Buhisan, Dakbayan sa Sugbo alas 10 pasado sa gabii niadtong Domingo.
Ang nasikop mao si Richard Fernandez, 32, residente sa maong lugar.
Nangulo sa operation mao si Police Chief Inspector Keith Allen Andaya uban sa mga sakop sa Station Drug Enforcement Unit.
Nasakmit gikan kang Fernandez ang mga pinutos nga ginadili nga drugas nga motimbang og 20.12 gramos ug buy-bust money.
Ang dinakpan nagtingkagol na sa selda sa kapolisan samtang nagpaabot nga pasakaan og kaso. (BANAT NEWS)
- Latest