‘No smoking policy’ sa Consolacion gipasidunggan
CEBU, Philippines – Gipasidunggan ang kapolisan sa Lungsod sa Consolacion human nila hugot nga napatuman ang pagdumili sa pagsigarilyo sa immediate premises.
Gigantihan sa Department of Health sa Pink Orchid Award ang kapolisan nga gipangulohan ni Chief Inspector Gerard Ace Pelare karong tuiga.
“Nakaabot sa 90% among effort against tabacco, mao to naka-receive mi og award gikan sa DOH. It will be a non-smoking area gyud, and ang DOH they are trying to identify government offices that are very serious in the no smoking campaign,” asoy ni Pelare.
Sigun pa ni Pelare nga apil sa iyang paagi human siya nilingkod isip hepe karong tuiga ang pagpatuman sa no smoking ordinance sa moabot 60 niya ka tawo. Matud niya nga nga ang pagsunod mao ang labing daku nga hagit.
Sigun pa niya nga dili siya 24/7 nga magbantay sa iyang mga tawo maong nalipay siya nga nadawat nila ang maong pasidungog.
Nagkanayon si Pelare nga dili lang kini alang sa pagkab-ot sa maong rekognasyon kun dili alang kini sa maayong panglawas sa kapolisan.
“Ang challenge gyud kay ang pagdisiplina sa kaugalingon, and if successful ba ta sa pag-inculcate nga ang pagpanigrailyo dili makaayo sa kalawasan,” sigun pa ni Pelare.
Kung ugaling masakpan ang usa sa iyang mga polis, pahamtangan kini og silot hangtud sa duha ka semana nga pagkasuspenso. (/GMR)(BANAT NEWS)
- Latest
