^

Banat Balita

Duha ka pusher may warrant sikop

Romeo T. Limpangog - Banat

CEBU, Philippines – Nasakmit ang mokabat sa P141,148.70 nga kantidad sa shabu gikan sa duha ka pusher nga nadakpan sa kapolisan pinaagi sa warrant of arrest nga giluwatan sa korte sa Sitio Lower Guiwanon, Barangay Poblacion, Lungsod sa Compostela alas 9 pasado sa buntag niadtong niaging adlaw.

Si Chief Inspector Jade Sumugat nga maoy hepe sa kapolisan sa Compostela Police Station niila sa ilang nadakpan nga si Ernie Dayono Wagas, 34-anyos, ug Ayla Paler Faustino, 31, nga pulos nagpuyo sa maong dapit. Matud ni Chief Inspector Sumugat nga ang duha ilang gidakop pinaagi sa warrant of arrest nga giluwatan ni Judge Mercedita Dadole Ygnacio sa Branch 28 sa Regional Trial Court 7 nga nagbase sa Dakbayan sa Mandaue.

Naglakip sa ilang nakuha gikan sa maong mga dinakpan ang 19 ka gagmay nga pakete sa shabu, duha ka putos sa pinaugang dahon sa marijuana ug mga drug paraphernalia.

Si Sumugat niingon nga ang duha nila ka dinakpan nga temporaryo karon nilang gitanggong sa detention cell ang ilang pasakaan og kaso base sa ilang mga nakuha nga ebidensiya.

Samtang nagtingkagol sa prisohan ang usa ka 22-anyos nga lalaki human kini nasikop atol sa gipahigayon nga Oplan Limpyo Danao sa may San Antonio, Barangay Guinsay, Danao City niadtong Miyerkules sa hapon.

Ang nasikop mao si Agustin Alerta, walay trabaho ug residente sa maong lugar.

Nangulo sa maong operation mao si Police Supt. Jaime Quicho, hepe sa Danao City Police Station kauban ang Danao City Police Station Drug Enforcement Unit, Intel Operative ug uban sa Philippine Drug Enforcement Agency 7.

Nasakmit gikan sa dinakpan ang mga pinutos sa ginadili nga drugas nga motimbang og .48grams nga mobalor og dul-an sa P6 mil, buy-bust money ug P300 nga gituohang halin.

Ang dinakpan anaa na karon sa prisohan ug gipaabot ang pagpasaka sa tukma nga kaso. (Rowena D. Capistrano/GMR)(BANAT NEWS)

 

 

WARRANT

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with