Tulo ka babaye nakuhaa’g P1M shabu
CEBU, Philippines – Tulo ka mga babaye ang nangadakpan ug nakuhaan og balor P1,947,000 nga gidudahang ilegal nga drugas atoll sa buybust operation kagahapon sa hapond diha sa Sector 3, Barangay Pagsabungan, Mandaue City.
Ang nakadakop kanila mao ang mga operatiba sa Mandaue City Police Office - City Intelligence Branch (MCPO-CIB) ug mga sakop sa MCPO Station 6 pinangulohan ni Seniot Inspector Hugo Ipong.
Subay sa impormasyong ilang nadawat bahin sa ilang modus operandi sa maong lugar.
Ang mga nadakpan giila sa kapolisan nga mao sila si Jayne Vivar Alejandria, 28, taga Zone 7 - Riverside, Barangay Canduman, Eloise Jori Alcantara, 20, taga Arellano Blvd., Barangay San Roque, Cebu City, ug Marife Pacaldo Estay, 45, taga Curba Libertad, Bogo City.
Sumala pa ni Superintendent Bernouli Abalos, CIB chief ang subject sa operasyon mao si Alejandria. Ang mga suspek pasakaan og kaso karong adlawa tungod sa paglapas sa Republic Act 9165 or Comprehensive Dangerous Drugs Act of 2002. (Gikan sa The Freeman/IBM)
- Latest
