LTO-Lapu-Lapu buwag na nga opisina

CEBU, Philippines — Gipirmahan na ni Presidente Rodrigo Duterte ang Republic Act No. 11105 alang sa paghimo sa Land Transportation Office-Lapu-Lapu City Extension Office isip regular nga opisina.

Matud ni LTO-7 Director Victor Caindec nga tungod sa maong conversion, ang LTO-Lapu-Lapu City aduna na kiniy full personnel ug budget gikan sa nasudnong kagamhanan.

“So, ang LTO-Mandaue Office, ma-augment ang personnel balik kay didto man gikan ang personnel sa LTO-Lapu-Lapu," matud ni Caindec.

Nanghinaut usab si Caindec nga mabutangan na og budget sa Department of Budget and Management ang maong opisina sa dili pa matapos ang tuig 2018 labi na nga napirmahan na man sa Presidente ang balaud niini.

Ang Secretary sa Department of Transportation maoy gitahasan sa pag-implementar sa rules and regulation sa maong balaud. -/GMR (BANATNEWS)