Terminal 2 sa MCIA maoy angayang sumbanan
Mitchelle L. Palaubsanon (Banat) - November 13, 2018 - 12:00am

CEBU, Philippines — Si Senador Grace Poe nagkanayon nga ang pakigtambayayong sa pribadong sektor sa gobiyerno mahinungdanon aron epektibong mapabag-o ang mga karaang airport nga nagsilbing gateway sa nasud ngadto sa kalibutan. Gihimong tamdanan ni Poe ang bag-ong gitukod nga Terminal 2 sa Mactan Cebu International Airport nga giisip niya nga labing modernong airport.

Si Poe kinsa nibisita sa maong terminal niadtong Sabado nagkanayon nga ang maong bag-ong terminal nagmalampuson tungod sa panagtambayayong sa gobiyerno ug pribado nga sektor. Ang airport gitukod ubos sa programa sa Public-Private Partnership (PPP).

Si Poe maoy chairman sa public services committee sa Senado nagkanayon usab nga ang P17.5 bilyones nga terminal nga gitukod sa Philippine-Indian consortium GMR-Megawide wala mapakyas sa pagdani kaniya sa modernong arkitektura nga desinyo ug maayong mga pasilidad niini.

Ang "resort-like" nga airport nga adunay kapasidad nga 13 milyones ka pasahero matag tuig ug nag-served sa international nga mga biyahe gikonsepto kini sa Integrated Design Associates nga nakabase sa Hong Kong sa tabang sa world-renowned Cebuano nga industrial designer nga si Kenneth Cobonpue ug lokal nga mga tigdesinyo nga sila si Budji Layug ug Royal Pineda.

Matud ni Poe sa iyang gipadala nga press statement nga ang kinatibuk-an nga hitsura, desinyo ug mga pasilidad sa maong airport dili lamang makapahingangha magpasigarbo usab kini sa nasud.

Dugang ni Poe nga ang airport sa Cebu kinahanglan nga mao ang "standard" pag-abot sa mga airport ug sumbanan alang sa mga airport karon diin dili lang nindot ang desinyo ug pasilidad paspas usab ang Wi-Fi. (BANAT NEWS)

MACTAN CEBU INTERNATIONAL AIRPORT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with