Tiguwang nalataya’g dumptruck sa Minglanilla
Gabriel Bonjoc (Banat) - November 10, 2018 - 12:00am

CEBU, Philippines – Patay ang usa ka senior citizen human nalatayan sa usa ka dumptruck didto sa National Road sa Barangay Poblacion Ward 11 sa Lungsod sa Minglanilla kagahapon sa alas 8:30 sa buntag.

Ang biktima nailhan nga si Soriano Otaza Jr., 74, nagpuyo sa Barangay Pakigne sa maong lungsod.

Samtang ang drayber nga nakaligis kaniya mao si Edward Gamarcha, 38, taga Sitio San Antonio, Barangay Jubay sa Lungsod sa Liloan.

Sa inisyal nga imbestigasyon nila ni PO3 Alfredo Pagaling ug PO1 Ferrante Ygot nasuta nga ninaug gikan sa multicab ang biktima paingon ngadto sa habagatan.

Apan ang dumptruck nga mupaingon nasab sab sa habagatan naghuwat kon kanus-a mo green ang kolor sa traffic light.

Ang biktima gikatahong diretsong milabang human nanaog sa pasaheroang multicab ug mao sab ang pagabante sa maong trak hinungdan nga nabanggaan kini ug nalatayan gyud sa ligid ang lawas niini.

Sumala pa nga ang drayber mitug-an sa kapolisan nga wala gyud siya nakabantay nga nakaligis siya hangtud nga siya gipara sa mga traffic enforcers.

Gidala sa Minglanilla District Hospital ang biktima apan nakabsan na gyud kini sa iyang kinabuhi.

Gitanggong ang drayber samtang gipaabot ang mga kabanay sa namatay kon mopasaka ba sila og kaso batok kaniya. (/IBM)(BANAT NEWS)

 

MINGLANILLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with