Samtang laing pagpamusil nahitabo sa Sitio Lantawan, Barangay Quiot, Dakbayan sa Sugbo niadtong Martes sa gabii diin napatay ang usa ka 58 anyos nga drayber sa habal-habal.
File
Tulo gipusil patay
Romeo T. Limpangog (Banat) - November 7, 2018 - 12:00am

CEBU, Philippines – Tulo ka tawo ang patay human nabiktima sa managlahing pagpamusil, diin usa kanila 57 anyos nga taxi driver nga  gituohang gitulis sa mga kriminal  diha sa Second Street, Naya Village, Barangay Tisa, Dakbayan sa Sugbo kagahapon sa alas tres sa kaadlawon.

Samtang laing pagpamusil nahitabo sa Sitio Lantawan, Barangay Quiot, Dakbayan sa Sugbo niadtong Martes sa gabii diin napatay ang usa ka 58 anyos nga drayber sa habal-habal.

Sa Barangay Tisa, giila sa kapolisan ang nakalas nga si Victorio  Manatad Molina, nagpuyo sa dalan B. Logarta, Dakbayan sa Sugbo nga drayber sa Ken Taxi nga may plakang GXW- 408 nga may body number 3093.

Sumala pa sa imbestigador sa maong kaso nga si Senior Police Officer 1 Joje Magdadaro, sa Punta Princessa Police Station may nakadungog og buto sa armas ug gisundan og hagoros sa makina sa sakyanan.

Giingong adunay nakakita sa pagnaog gikan sa maong taxi sa duha ka mga lalaki nga nagsuot og puti nga t-shirts nga mikaratil sa pagdagan.

Sa pagsusi sa mga tawo  nagkadugo na ang biktima sa sulod sa maong taxi ug wala nay panimuot.

Sa imbestigasyon ni Magdadaro, gikan sa merkado duol sa barangay hall sa Tisa ang maong mga lalaki ug nagpahatod sa maong lugar. Apan gituohang gitulis ang biktima ug gipusil iyang tuong tampihak nga maoy hinungdan sa iyang hinanaling kamatayon.

Wala hinuon makuha sa mga suspetsado ang wallet sa biktima diin nakahumpid pa ang personal nga kwarta niini, dugang sa maong polis.  Nawala na sab ang usa sa mga cellphone sa biktima.

Giingong guba usab ang CCTV camera duol sa barangay hall diin gituohang nanukad ang mga suspetsado samtang dili usab maklaro ang kuha sa CCTV sa usa sa mga residente sa maong dapit.

Aduna untay dash camera ang maong taxi nga aduna say camera sa sulod diin maklaro ang panagway sa mosakay apan guba usab kini.

Sa laing bahin, giila sab sa kapolisan ang gipatay didto sa Quiot nga si Sirico Gabiana Sadora, 58- anyos.

Paingon unta moparada sa iyang motorsiklo ang biktima sa dihang kini gipusil sa usa ka wala pa mailhing lalaking nagsuot og tabon sa nawong.

Love triangle ug away sa yuta ang gitan-aw nga motibo sa maong krimen.

Sa laing pagpamusil, patay na nga nahidangat sa Mandaue City District Hospital  ang usa ka Charlie Dumadapat nga nagpuyo sa Sector 2, Barangay Pagsabungan sa Dakbayan sa Mandaue.

Sa imbestigasyon sa kapolisan padulong motambong og court hearing sa kaso sa illegal nga drugas ang biktima sa dihang kini gihunongan og riding in tandem ug dayon gipusil.

Matud pa ni Police Senior Inspector  Fudotan nga nadakpan kaniadto sa checkpoint ang biktima tungod sa pagdala og pinaketeng shabu. (/IBM)(BANAT NEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with