Ang nasikop mao sila si John Herman Carder Jr., 76, taga Virginia USA, Jim Dean Syfert, 52, taga Illinois, ug Frailine Mae Sagabala, 19, taga Pinamungahan Cebu ug live-in partner ni Syfert. Matud pa ni Senior Police Officer Dandreb Lambo, Desk Officer sa Asturias Police Station, aduna silay nadawat nga taho nga adunay mag-adtoan nga kaluha nga minor de edad sa panimalay sa maong mga langyaw hinungdan nga ilaha kining gi-monitor.
Duha ka langyaw, Pinay gidakop
Rowena D. Capistrano (Banat) - November 1, 2018 - 12:00am

CEBU, Philippines — Duha ka langyaw ug usa ka Pilipina ang gidakop sa mga sakop sa Asturias Police Station human nakig-inom ug duha ka mga minor de edad sulod sa ilang panimalay sa usa sa mga barangay sa maong lungsod.

Ang nasikop mao sila si John Herman Carder Jr., 76, taga Virginia USA, Jim Dean Syfert, 52, taga Illinois, ug Frailine Mae Sagabala, 19,  taga Pinamungahan Cebu ug live-in partner ni Syfert. Matud pa ni Senior Police Officer Dandreb Lambo, Desk Officer sa Asturias Police Station, aduna silay nadawat nga taho nga adunay mag-adtoan nga kaluha nga minor de edad sa panimalay sa maong mga langyaw hinungdan nga ilaha kining gi-monitor.

Sumala pa ni Lambo, Lunes sa gabii ang grupo sa ilang hepe Chief Inspector Roger Quijano uban sa MSWDO nipahigayon og pakisusi sa panimalay sa mga langyaw.

Didto naabtan sila nga nakig-inom uban sa kaluha nga 14 anyos diin usa sa mga langyaw ang nag-atubang sa minor nga nag brief lang hinungdan nga gisikop ang mga langyaw ug kapuyo sa usa niini.

Atol sa inisyal nga imbestigasyon, ang inahan sa mga minor usa sa mga magtabang-tabang sa balay sa maong langyaw, samtang motabang usab usahay ang maong mga batan-on kaniya.

Dugang pa ni Lambo, base sa imbestigasyon niadtong nilabay nga Biyernes, ang maong kaluha gihaylo sa mga langyaw og cellphone, P500 para palit og mga sinina, pagpasuga sa ilang panimalay ug full scholarship grants sa ilang pag-eskwela.

Tungod sa kawad-on ug gustong makatabang sa ilang inahan misugot sila nga motabang-tabang sa balay sa maong mga langyaw.

Kagahapon gidala sa Dakbayan sa Sugbo ang mga suspek alang sa inquest proceedings, samtang ang duha ka minor gidala sa pink aron sa pagsusi kung wala ba kini mahilabti. -/IBM (BANATNEWS)

PINAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with