Sugboanon gipasidunggan isip national artist
Le Phyllis F. Antojado (Banat) - October 25, 2018 - 12:00am

CEBU, Philippines – Gihulagway sa mga opisyal sa Kapitolyo nga dakong garbo sa Sugbo ang pagkapili kang Dr. Resil  Mojares nga usa  sa mga national artist sa nasud.

Si Mojares nga usa ka historian ug literary writer nakadawat kini sa iyang pasidungog isip National Artist Literature didto sa Malacañang kagahapon.

Si Gobernador Hilario Davide, III nagkanayon nga dako kini nga garbo alang sa mga Sugboanon ug iyang gibutyag nga personal niya nga kaila si Mojares.  Gipakita ni Davide ang usa ka libro nga adunay title nga “A Tribute to Hilario Davide Jr”, diin si Mojares maoy editorial consultant niini.

Si Bise Gobernador Agnes Magpale nagkanayon nga mohimo kini og resolusyon paghatag og pasidungog kang Mojares.

Matud ni Magpale nga dako ang natabang ni Mojares sa paggama sa probinsiya og mga libro kalabot sa history sa Sugbo sanglit usa siya sa ilang kauban sa paggama sa libro kalabot sa kasaysayan sa 51 ka lungsod ug dakbayan sa Lalawigan sa Sugbo.

Si Mojares kinsa nagpangidaron og 75-anyos nahimo kining professor emeritus sa University of San Carlos diin ang maong eskwelahan ang nag-nominate kaniya.

Siya usa ka literature professor, historian ug kritiko ug nahimo kining author sa pipila ka mga libro ug nakadawat na og daghang pasidungog tungod sa iyang literary composition. -/BDB (BANAT NEWS)

NATIONAL ARTIST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with