Duha pa ka quarry sa naga gisusi
CEBU, Philippines – Aron pagseguro nga dili na mahitabo ang susamang insidente sa Sitio Sindulan, Tinaan, Dakbayan sa Naga, si Environment Secretary Roy Cimatu nimando sa Mines and Geo-Sciences Bureau sa pagsusi sa duha ka dagkung quarry operations nga anaa gihapon sa dakbayan.
Matud ni Cimatu nga sa pagkakaron dili pa niya malibkas ang suspension sa quarry kay peligro pa ug padayon pa ang gihimo nga pakisusi sa mga batid nga geologists.
Sumala pa ni Cimatu nga ang MGB mohimo og pakisusi sa lugar lakip ang pag-test sa kahimtang niini.
Si Naga City Mayor Kristine Vanessa Chiong nitug-an nga siya mismo ang nihangyo sa buhatan ni Cimatu nga susihon ang duha ka quarry.
Samtang nagkadaghan ang mga lungsod ug dakbayan nga nihangyo sab sa Provincial Disaster Risk Reduction and Management Office sa pagsusi sa mga dapit nga gikuyawan sa mga residente nga modahili ang yuta diin adunay mga quarry operations.
Kini sama sa Lungsod sa Compostela, Consolacion, Alegria ug Tuburan. (Le Phyllis F. Antojado/GMR)(BANAT NEWS)
- Latest