Mga biktima sa landslide gipatrabaho sa DOLE
CEBU, Philippines — Kapin sa 300 ka biktima sa landslide sa Dakbayan sa Naga ang nakasugod na og trabaho niadtong Oktubre 8 ubos sa Emergency Employment Program sa Department of Labor and Employment.
Matud ni DOLE-7 Director, Atty. Johnson Cañete, nga kadaghanan sa mga trabahante gikan sa Barangay Tinaan ug Naalad.
Ang tinudlo nga camp manager sa evacuation centers maoy direkta nga mohatag og kamanduan sa ilang inadlaw-adlaw nga gimbuhaton ug makadawat sila og P386 nga suhulan matag adlaw sulod sa usa ka buwan ug day-off matag Domingo. Isip suporta sa DOLE sa mga biktima sa trahedya, ang maong buhatan pinaagi sa ilang mga trabahante nidonar usab og mga relief goods, mineral water ug financial assistance ngadto sa kagamhanan sa Dakbayan sa Naga. (/GMR)(BANATNEWS)
- Latest