Nagpailang kumander sa MNLF gidakop
CEBU, Philippines — Giingong wanted sa Ormoc City, Leyte tungod sa kaso sa illegal logging nadakpan sa Barangay Basak, Dakbayan sa Lapu-Lapu niadtong Miyerkules sa buntag.
Ang gidakop kinsa unang nagpailang opisyal sa Moro National Liberation Front (MNLF) mao si Rajah Ahmad Tano nga usa ka usa ka Balik- Islam kansang pangalan sa Kristiyano pa kini mao si Claudio Larosa Tano. Sigun pa ni Chief Supt. Debold Sinas, direktor sa Police Regional Office 7 nga wanted didto sa Ormoc si Tano tungod sa illegal logging.
Matud pa nga ang kapolisan sa Ormoc City mi-coordinate kanila kabahin sa pagtago ni Tano diha sa Lapu-lapu City.
“Accordingly he claims na he is an MNLF commander. We just don’t know of how true is this so nanigurado ta, so gi-interview sya,” si Sinas miingon. Giklaro hinuon ni Sinas nga wala kini kalambigitan sa gipahigayong Association of Southeast Asian Nation Ministerial meeting nga gitambongan og tulo ka mga ministro, tulo ka mga deputy ministers ug 71 ka mga delegado sa usa ka hotel sa Lapu-Lapu City.
“Wala mi na-monitor na any threat. What is very interesting sa amoa, ay he declared himself carrying a name of commander of MNLF,” si Sinas miingon.
Kagahapon sa bUntag gidala na sa Ormoc City si Tano aron ipresentar sa korte nga nagpadakop kaniya. Dugang giklaro ni Sinas nga walay kasong atubangon si Tano tungod sa pagpaila niyang kumander sa MNLF. (/IBM)(BANATNEWS)
- Latest
