Ortega property i-award sa Cebu City sa nag-ukopar Decemay P. Padilla

CEBU, Philippines — Mga dokumento sa Ortega property nga nahimutang diha sa Sitio Cahipa, Barangay Hipodromo, Dakbayan sa Sugbo ang nakit-an na.

Kini maoy gibutyag sa operations chief sa Division for the Welfare of the Urban Poor (DWUP) nga si Genevieve Alcoseba.

Matud niya nga ang maong property nga naigo sa sunog kompleto na kining nabayaran sa kagamhanan sa Siyudad sa Sugbo.

Si Osmeña mitugot nga i-award kini ngadto sa mga tawo ilabi na sa mga actual occupant sa maong luna tungod sa hangyo ni Hipodromo Barangay Captain Ruperto Bacolod.

Matud ni Alcoseba nga 24 square meters ang i-award matag usa ka nanag-iya og estraktura diin ang kantidad niini P312 mil ug hatagan sila og sulod sa 15 katuig nga makabayad diin matag buwan P2 mil ang ilang bayaran.

Ang kadtong naa sa abandon road ilaha kining i-establisar nga agianan ug katong 16 ka balay nga naa sa maong dapit ilaha kining ipasulod sa Ortega property ug mahatagan usab sila og luna. (/BDB)(BANATNEWS)