Davide vs Salimbangon pagka bise gobernador
CEBU, Philippines – Nagtuo si Gobernador Hilario Davide III nga nakabentaha siya pagdagan pagka bise gobernador sa iyang kaatbang nga si Daphne Salimbangon.
Si Davide, molansar pagka bise gobernador ubos gihapon sa Liberal Party human sila magkasabot ni bise goberador Agnes Magpale mapuli og pwesto sa umaabot nga midterm elections.
“I’d like to think I have the edge kay incumbent man ta lagi and duna man sad tay ikasulti sa atong kaigsoonan sa atong pangampanya sa atong mga nabuhat,” matod ni Davide.
Si Daphne kinsa anak ni kongresista Benhur miangkon nga nahadlok siya nga si Davide ang iyang kontra hilabina nga taod-taod na pud siya nga nawala sa public service ug nagtutok sa iyang negosyo.
“This is not personal. Maningkamot lang ko maayo. Unta hatagan ta’g chance,” matod ni Salimbangon.
Si Salimbangon miingon nga niadto pang Lunes siya nahibalo nga siya ang gipili ni kongresista Gwen Garcia nga mahimong runningmate.
Matod niya dili siya kabalibad ni Gwen nga iyang gihulagway nga modelo kon public service ang hisgutan.
Si Garcia iyang bahin nagkanayon nga iyang gipili si Salimbangon tungod sa kaabtik niini ug kasaligan. (/DILT)(BANAT NEWS)
- Latest
