Nahitabong patay wala makaapekto sa turismo
CEBU, Philippines – Taliwala sa sunod-sunod nga patay sa Sugbo, nagpadayon gihapon ang pagdagsa sa mga turista sa lalawigan sigon pa ni bise gobernador Agnes Magpale.
Si Magpale kinsa maoy chairman sa Provincial Tourism Commission nagkanayon nga nabalaka usab sila sa epekto sa imahe sa Sugbo tungod sa patay nga nahitabo karon.
Apan atol sa ilang tourism summit niadtong pipila ka adlaw, giingong misaka gihapon ang gidaghanon sa tourist arrivals bisan sa miaging bulan.
“And the hotels reported to 85% occupancy rate. That made the hotelier very happy,” matod ni Magpale.
Dugang niya nga bisan og misaka ang tourist arrivals, ila gihapon gitimbang-timbang kun unsay hinungdan sa pagsaka niini. Matod sa bise gobernador nga posibleng epekto usab kini subay sa temporaryong pagsirado og pipila ka bulan sa isla sa Boracay.
Si Magpale misuporta usab sa plano sa senado nga imbestigaran ang sunod-sunod nga patay sa Sugbo. (/DILT)(BANAT NEWS)
- Latest
