Tom: Patay nisiaw pag-abot ni Sinas, Garma

CEBU, Philippines — Gipikhan ni Mayor Tomas Osmeña sila si Cebu City Police Office Director Royina Garma ug Police Regional Office-7 Director Debold Sinas.

Kini may labot sa mga nahitabong patay sa Sugbo diin sigun sa mayor nga nahitabo kini dihang niabot sila si Garma ug Sinas sa Sugbo.

“It’s Garma and Sinas, our police is okay, under Doria we were the number one police department in the Philippines, in the Philippines that includes Davao City, when they came in we have all of these killings. When they came into the picture what happened?” sigun ni Osmeña.

Kahinumduman nga dili kini ang unang higayon nga gipikhan sa mayor sila si Garma ug Sinas.

Nunot niini si Osmeña may komento labot sa panawagan sa Senate minority bloc alang sa imbestigasyon.

“You know why they always say calls for investigation, every other day they call for investigation but they do not investigate.

So let them talk whatever they want, minority bloc will call for investigation, the minority bloc will form a committee, the minority bloc will question, di question, fine, we have procedure for that,” matud ni Osmeña.

Samtang suportado ni Gobernador Hilario Davide III ang plano sa Senado nga mohimo og imbestigasyon kalabot sa sunod-sunod nga patay sa Sugbo.

Ang minority bloc sa Senado nagtinguha sa dali nga imbestigasyon sa patay nga nahitabo sa Sugbo ubos sa One Time Big Time Operation batok ilegal nga drugas sa Philippine National Police.

“The allegation that police officers themselves are behind some of the killings is highly disturbing,” sumala sa resolution nga giduso sa minority bloc.

Si Davide nagkanayon nga mas maayo kini aron mapapas ang pagduda ug maklaro kun aduna bay kalambigitan ang mga polis.

“I welcome that, mas maayo gyud tingale, ma-determine gyud kung unsay causes ini,” matud ni Davide.

Sumala sa gobernador nga angay kini nga maklaro ilabi na nga mga polis ang gipasanginlan nga nagpaluyo sa patay.

Matud sa gobernador nga ang pagduda posibleng dili aktibo nga mga polis apan mga kanhi opisyal o personnel sa PNP.

Si Davide nagkanayon nga andam usab ang Kapitolyo nga mo-host o mohatag og venue kun asa ipahigayon ang Senate hearing kun ugaling sa Sugbo ipahigayon. (BANAT NEWS)