Police detachment sa Sinsin di pa madali
CEBU, Philippines — Dili makabutang og detachment sa pagkakaron si Cebu City Police Office Director, Senior Supt. Royina Garma, sa Barangay Sinsin, bukirang barangay sa dakbayan, sanglit kuwang ang ilang pwersa.
Apan giklaro niya nga kun maabot na ang ilang gi-download nga mga polis, tun-an una nila ang pagpabutang og pwersa sa lugar.
“When you establish a detachment di siya ana ka dali. Detachment is semi-fixed, you put personnel and complete facilities ng pulis. Is there a place there where you can put that?” matud ni Garma.
Nitumaw og balik ang yangungo sa mga residente sa Sinsin human gipusil patay ang tanod nga si Roger Labajo sa Lagtang, Dakbayan sa Talisay.
Duda sa mga residente nga giinitan ang biktima sa mga durugista sanglit giingong aduna kini impormasyon kabahin sa usa ka grupo nga mangagi sa maong barangay.
Gani nagtuo sab si Cebu City Mayor Tomas Osmeña nga ang Barangay Sinsin maoy lutsanan sa mga kriminal paingon sa Dakbayan sa Toledo.
Una na nga nipadala ang mayor og suwat kang Garma kabahin sa maong detachment. – GMR (BANAT NEWS)
- Latest