Mga alas 9:36 sa buntag hingpit nga niabot diha sa Mactan Benito Ebuen Airbase ang chartered plane nga gisakyan sa kasing-kasing ni Padre Pio ug gihatagan kini og military honors.
File
Kasing-kasing ni Padre Pio gihugopan
Rowena D. Capistrano (Banat) - October 12, 2018 - 12:00am

CEBU, Philippines — Liboan ka  magtutuo gikan sa nagkadaiyang lugar sa Sugbo ang naghugop kagahapon sa buntag diha sa Cebu Metropolitan Cathedral alang sa pagdawat sa unang higayon nga pagbisita sa wala madugta nga kasing-kasing ni Padre Pio.

 

Mga alas 9:36 sa buntag hingpit nga niabot diha sa Mactan Benito Ebuen Airbase ang chartered plane nga gisakyan sa kasing-kasing ni Padre Pio ug gihatagan kini og military honors.

Mga opisyal sa militar, representante sa archdiocese ug sakop sa Santo Padre Pio Community ang lakip sa nisugat.

Gisunod ang motorkada nga nituyok sa pipila ka mga kadalanan sa Dakbayan sa Sugbo una pa naabot diha sa Cebu Metropolitan Cathedral ang maong relic diin ang simbahan napuno kini sa bagang duot sa katawhan.

Atol sa pag-abot sa kasing-kasing ni Padre Pio, gisunod ang Santos nga Misa nga gipangulohan ni Archbishop Jose Palma.

Malaumon si Palma nga niining pagbisita ni Padre Pio adunay kabag-ohan o renewal sa tanang katawhan diha sa ilang tagsa-tagsa ka mga kaugalingon.

Si Palma nanghinaot  nga hikapon usab ni Padre Pio ang mga nagpaluyo sa nahitabong sunod-sunod nga patay tungod kay makaguol kaayo nga ang Sugbo gitawag og Cradle of Christianity apan adunay sigeng pagpamatay.

Samtang si Monsignor Ruben Labajo, team moderator sa Cebu Metropolitan Cathedral nitug-an nga sa unang higayon napuno ang tanang lugar sa simbahan atol sa pag-abot sa relic ni Padre Pio. Iyang gibana-bana nga sobra sa 10 mil ka tawo ang nitambong diin bukas ang simbahan sulod sa 24 oras ug adunay mga pagpangompisal ang gipahigayon.

Ang kasing-kasing ni Padre Pio mopuyo dinhi sa Sugbo sulod sa tulo ka gabii ug upat ka adlaw sa dili pa kini mobiya karong Domingo sa buntag padulong ngadto sa Mindanao. – BDB (BANAT NEWS)

PADRE PIO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with