Sigun pa sa hepe sa Cebu City Police Station 11, Chief Inspector Randy Caballes, nga sa hiniusang pwersa nila sa Police Station 10 gipaagi nila sa buy-bust operation sa ilegal nga armas ang pagdakop sa suspek nga si GB Bertulfo, 29, residente sa maong barangay.
File
Nagpusil patay sa Haponesa nadakpan
Camille L. Pateres (Banat) - October 11, 2018 - 12:00am

CEBU, Philippines – Nadakpan niadtong Martes sa gabii sa Barangay Tisa, Dakbayan sa Sugbo ang giingong gunman nga nipatay sa Haponesa nga si Junko Hamada, 71, presidente sa usa ka furniture company sa Dakbayan sa Talisay.

Sigun pa sa hepe sa Cebu City Police Station 11, Chief Inspector Randy Caballes, nga sa hiniusang pwersa nila sa Police Station 10 gipaagi nila sa buy-bust operation sa ilegal nga armas ang pagdakop sa suspek nga si GB Bertulfo, 29, residente sa maong barangay.

Nasakmit gikan sa suspek ang baligya niini nga kalibre .45 nga paltik nga armas nga hinimo sa Dakbayan sa Danao ug sa dihang gikapkapan nakuhaan kini og duha ka medium nga pakete sa gituohang shabu balor og P118 mil.

Ang bana sa biktima nga si Sinichi Hamada kinsa giingong karelasyon ni Mary Jane Aguilar, 27, una na nga niangkon sa media nga kauban siya sa gunman dihang gibanhigan si Junko sa may Natalio Bacalso Avenue, Dakbayan sa Sugbo niadtong Agosto 24.

Nadakpan sa buy-bust operation sa drugas si Aguilar kauban sa iyang ig-agaw nga si Alfie Fernandez, 25, sa Barangay Tisa niadtong Septiyembre 21.

Butyag ni Caballes nga si Aguilar maoy nihingalan kang Bertulfo kinsa nadiskobrehan nga kanhi kapuyo ni Aguilar.

Giingong si Aguilar ang nagrekomendar kang Sinichi nga tumbahon si Junko nunot sa problema nila sa kwarta ug negosyo human sila nagbuwag.

Giangkon ni Bertulfo ang pasangil nunot na sab sa kahadlok nga kuhaan og pinansyal nga suporta ni Sinichi ang tres anyos nga anak nilang Bertulfo ug Aguilar.

“Nisaad sila nga bayran ko pero hangtud ron kay wala gihapon ko bayri,” si Bertulfo niingon.

Dugang niya nga wala na lang sab siya nanumbaling basta lang suportahan gihapon ni Sinichi ang ilang anak.

Gawas sa kaso sa drugas ug armas, pasakaan og kasong murder sila si Aguilar, Bertulfo ug si Sinichi kinsa gitudlong utok sa krimen.

Nakig-alayon ang kapolisan sa Embahada sa Japan aron madakpan si Sinichi kinsa tua na sa ilang nasud. (/GMR)(BANAT NEWS)

ARRESTED
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with