Lukatanan og police clearance gibalhin
CEBU, Philippines — Sukad niadtong Lunes gibalhin na ang ang lukatanan og police clearance ngadto sa sulod sa Camp Sotero Cabahug diin nahimutang ang headquarters sa Cebu City Police Office (CCPO).
Sigun pa ni Senior Superintendent Royina Garma, direktor sa CCPO, nga gikinahanglan niya balhinon ang operasyon sa pagproseso sa police clearance alang usab pagprotektar sa data nga naa sa mga hardware.
Kini human naabot sa iyang atensyon nga adunay kakulian sa tubig ug kuryente ang nahimutangan niini sulod sa compound sa usa ka mall sa may North Reclamation Area (NRA).
“I think hindi safe ang data natin doon because ang transaction natin doon, next there was a memo na may problem sa tubig and kuryente, at least dito (CCPO) sa ground yung data ay seguradong secured,” sigun ni Garma. Dugang ni Garma nga may posibilidad nga mokunhod ang bayranan sa police clearance tungod kay sila na ang mobayad sa tubig ug kuryente.
Anaa nahimutang ang kuhaanan sa police clearance sa karaang building sulod sa opisina sa City Mobile Force Company. – GMR (BANAT NEWS)
- Latest
