50-anyos gipatay sa kainom
CEBU, Philippines — Usa ka 50-anyos nga lalaki ang gidunggab ug napatay sa 23-anyos nga lalaki nga iyaha rang kainom diha sa Barangay Pangdan sa Dakbayan sa Naga kagahapon sa ala- una sa kaadlawon.
Ang nakalas giila sa kapolisan nga si Robin Cañalita Sertano, residente sa maong dapit samtang ang gitumbok nga suspetsado mao si Dave Traya Plarisan 23, silingan sa biktima.
Sa inisyal nga imbestigasyon sa kapolisan sa Naga nasuta nga nag-inom ang duha sulod sa panimalay sa biktima.
Apan giingong nagkainitay ang duha dihang ilang gibalikan ang estorya sa ilang gikabikilan kaniadto ug nisangpot kini sa pagpanunggab sa suspek ngadto sa biktima.
Dali nga gidala sa Minglanilla District Hospital ang biktima apan namatay kini paglabay og pipila ka oras.
Samtang nagpahigayon og hot pursuit operation ang kapolisan sa nisibat nga si Plarisan kinsa daling niikyas human sa krimen. (BANAT NEWS)
- Latest