‘Martsa kontra mina’ sa martes

CEBU, Philippines – Mopahigayon og “peaceful walk” ang Pusyon Kinaiyahan, usa ka grupo sa mga environmental advocates, alang sa mga biktima sa landslide gikan sa Siyudad sa Naga paingon sa Kapitolyo karong Septiyembre 25.

Gitawag ang maong kalihukan og “Martsa Kontra Mina” nga nagtinguha og hustisya sa mga residente nga naapektuhan sa landslide.

Sigun ni Dann Diez, co-founder sa Pusyon Kinaiyahan, nga ang ilang grupo naumol niadtong 2015 diin ang tumong nila mao ang pagprotehir sa kalikupan sa Sugbo.

Aktibo sila sa nagkalain-laing environ-mental campaign ug adbokasiya nga makatabang nga mapreserbar ang kanindot sa kinaiyahan.

Si Diez niawhag sa publiko nga moapil sa martsa nga magsugod alas 7:30 sa buntag ug ang assembly area sa Sitio Gray Rocks, Siyudad sa Naga.

Giawhag sab niini ang mga Sugbuanon nga mosuporta sa ilang kampanya batok sa mining activities aron ang mga dili maayong panghitabo malikayan.

Gibana-bana ni Diez nga moabot sa kapin usa ka gatus ka tawo ang moapil sa maong kalihukan. (/GMR)(BANAT NEWS)