ACI suppliers gipasalamatan
CEBU, Philippines — Gipasalamatan sa Aboitiz Construction Inc. ang tanan nilang suppliers pinaagi sa gitawag og Vendors’ Night niadtong Septiyembre 7 sa The Events Space sa Panagdait, Mabolo Dakbayan sa Sugbo.
Kini giapilan sa 80 ka suppliers gikan sa Luzon, Visayas ug Mindanao nga girepresentahan sa mokabat 100 ka tag-iya ug mga kawani.
Ang ACI girepresentahan sab sa 45 ka opisyal, team leaders ug supply chain team members nga gipangulohan sa presidente ug chief executive officer nga si Alberto Ignacio Jr.
Matud ni Ignacio nga ang ACI dili makalahutay kung wala pa ang suporta sa mga suppliers ug subcontractors.
Iyang gipasabot nga ang kalihukan maoy higayon nga ilang kapasalamatan ang mga niabag kanila sa pagpatuman sa mga dagkung proyekto.
Kini ang ikaduhang tuig nga gihimo ang maong kalihukan isip pagpadayag sa ilang pahalipay ug pasalamat sa ilang mga partners sulod sa kapin 40 na ka tuig sa industriya diin aduna na silay 5,000 ka mga trabahante karon lang tuiga. (BANAT NEWS)
- Latest