EGI gisirad-an sa BIR
Rowena D. Capistrano (Banat) - September 15, 2018 - 12:00am

CEBU, Philippines — Usa ka dakong hotel-resort sa Dakbayan sa Lapu-Lapu mao ang ikatulong gipasirad-an nga establisemento sa Bureau of Internal Revenue (BIR) sa Central Visayas subay sa ilang programa nga Oplan Kandado, human kini giingong wala mihatag og insaktong bayrunon sa buhis ug paghatag sa ilang customer og dili rehistradong resibo.

Pasado alas nuybe kagahapon sa buntag, nangunay si BIR regional director Eduardo Pagulayan Jr. pagpatuman sa closure order batok sa EGI Cebu Inc. nga nahimutang sa Brgy. Maribago.

Ang maong hotel adunay napulo ka andanang building ug adunay 105 ka mga lawak diin atol sa pag-serve sa order aduna kini 70 ngadto sa 80 ka mga guest.

Gipagawas og tarong ang mga guest una pa gikandaduhan ug gitaptap ang tarpaulin nga adunay pahibalo nga dili una makapadayon sa ilang operation ang maong hotel.

Gitug-an ni Pagulayan nga sa wala pa nila gipatuman ang order, mipadala na sila og notisya aron malihok sa hotel management ang ilang mga kalapasan apan giingong wala kini lihoka.

Ang acting head of corporate admin sa EGI nga si John Libunao, maoy midawat sa order ug mitug-an nga andam silang motuman kon unsay nalatid niini.

Nunot niini, apektado ang 93 ka mga kawani sa maong hotel-resort mao nga pahimangno ni Pagulayan sa tanang nanag-iya og dagkong establisemento nga dili gayud mosuway pag-operate kon adunay nag-ung-ong nga closure order aron dili mag-atubang og kasong kriminal ug panghinaut niya nga magsilbi kining leksiyon sa uban. (Romeo T.  Limpangog/DILT)(BANATNEWS)

BIR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with