Bypass project sa 1st district ipaagi sa PPP
CEBU, Philippines — Ipaagi sa Public-Private Partnership (PPP) ang bypass project nga ipatuman diha sa unang distrito sa Probinsiya sa Sugbo matud ni Kongresista Gerald Anthony "Samsam" Gullas.
Gibutyag ni Gullas nga naabot na ngadto sa buhatan ni Department of Public Works and Highways (DPWH) Secretary Mark Villar ang proposal sa proyekto. Apan gumikan sa kadako sa budget nga kinahanglanon posible nga ipaubos kini sa PPP sama sa ubang mga proyekto nga gipatuman karong tuiga.
Matud usab ni Gullas nga dakong tabang sa pagpaluag sa dagan sa trapiko sa habagatang bahin sa probinsiya kung mapatuman ang nahisgutang proyekto.
Ang nahisgutang proyekto anha kini ipatuman sa Lungsod sa Minglanilla diin ang maong lugar daghang magbagolbol nga motorista tungod sa kaapiki sa karsada. Giingong sa dili pa sugdan ang proyekto mohigayon una og konsultasyon sa publiko ug ubang mga ahensiya nga hingtundan. Si Gullas nanghinaot nga unta masugdan dayon ang construction sa proyekto sulod niining tuiga o sa sunod tuig. (/BDB)(BANATNEWS)
- Latest
