PO1 Ricafort gidid-an pagdawat og hinabang?
Decemay P. Padilla (Banat) - September 7, 2018 - 12:00am

CEBU, Philippines – Gidid-an sa Police Regional Office-7 ang polis nga naangol sa pagpamato sa pagdawat og hinabang gikan sa kagamhanan sa Dakbayan sa Sugbo.

Kini ang gibutyag ni Cebu City Mayor Tomas Osmeña pinaagi sa iyang post sa Facebook human giadto si PO1 Berlino Ricarfort sa tambalanan sa pangulo sa City Hospitalization Assistance and Medicine Program (CHAMP) nga si Amor Villanueva aron maasikaso ang mga gastuhanan.

“CHAMP was told that PO1 Ricafort is not allowed by PRO-7 to accept any help from Cebu City or else he will be separated from his family and reassigned to Siquijor,” tipik sa post ni Osmeña.

Si Villanueva sa iyang bahin niingon nga pag-adto niya kang Ricafort nakaestorya niini ang asawa sa polis ug iyang gipahibawo nga ang siyudad motabang sa hospital bills pinaagi sa CHAMP.

Matud ni Villanueva nga wala nibalibad ang polis ug niingon lang nga kun unsa man gani mo-text lang sila.

Apan giklaro ni PRO-7 Director, Chief Supt. Debold Sinas, nga wala nila did-i si Ricafort nga makakuha og disbursement pinaagi sa CHAMP sanglit nakahatag na sila og cash assistance niini.

“Nauna man mi ngano mang doblehon pa? sayang ra ang resources,” matud ni Sinas. Matud niya nga nabayran na nila ang hospital ingon man ang alang sa maintenance nga tambal ni Ricafort.

“As to the mayor’s offer, sa iyaha nana and I don’t think so nga bawalan nako sila. Kung mohatag sila eh di mohatag sila. It’s beyond me,” matud ni Sinas.

Dugang niya nga wala niya hatagi og malisya ang post sa mayor.

Naka-recover ug nakagawas na sa hospital ang polis apan dili pa siya makabalik sa serbisyo sanglit ipaubos pa siya og stress debriefing.

Samtang gihatagan sab og hinabang sa PRO-7 ang kabanay sa napusilan ni Ricafort nga si Susanito Ellama, 43, human kini naghuramintado ug namato diin naigo ang polis sa ulo.

Butyag ni Sinas nga P30 mil ang gihatag sa PRO-7 sa pamilya samtang P25 mil ang gihatag sa ilang Regional Advisory Council.

Gitabangan sab nila sa pagpahimutang ang patay ug pagbiyahe niini uban ang pamilya sa Iloilo.

Dugang butyag sa heneral nga niangkon ang nailong pamilya ni Ellama nga adunay history sa nervous breakdown ang ilang padre de pamilya. (Camille L. Pateres/GMR)(BANAT NEWS)

 

 

RICAFORT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with