Davide: Blanco may death threats
Le Phyllis Antojado (Banat) - September 6, 2018 - 12:00am

CEBU, Philippines – Nipadayag na og kabalaka si Gobernador Hilario Davide III sa mga pagpatay ilabi na nga duha ka top officials sa Lungsod sa Ronda nga silang Mayor Mariano “Nonie” Blanco nga gipusil kagahapon sa kaadlawon ug ang bise mayor niini nga si Atty. Jonathan “John” Ungab niadtong bulan sa Pebrero ang nangabiktima.

 “This is the first tingali sa Cebu nga in less than a year a vice mayor unya nawad-an na pud sila (Ronda) og mayor, naunsa naman ni?” matud ni Davide.

Ang duha pulos gipasanginlang nalambigit sa ilegal nga drugas, pasangil nga gihimakak sa banay sa duha.

Si Ungab mao ang abogado sa drug lord nga si Kerwin Espinosa ug gikan kini nitambong sa hearing ni Kerwin sa Cebu City sa dihang kini gi-ambush. Samtang si Blanco, usa sa gipanganlan ni Presidente Rodrigo Duterte nga apil sa mga narco-politicians.

Si Davide nagkanayon nga gitug-anan siya ni Blanco pipila ka adlaw human sa pagpatay kang Ungab nga may hulga sa iyang kinabuhi.

“Somebody told him lang nga siya kunoy isunod. Mao ‘tong he was really concerned sa iyang personal safety that time. Up to now, mao bitaw dili kaayo mag-arian si Mayor Blanco diri Cebu City, adto na siya maghigdaan sa iyang opisina,” matud ni Davide.

Ang gobernador nagkanayon nga sa iyang nasayran wala malambigit ang mayor sa bisa’g unsa nga ilegal nga kalihokan sama sa ilegal nga drugas.

Si Davide nimando ni CPPO director Sr. Supt. Manuel Abrugena nga paspasan ang imbestigasyon ug giawhag niya ang National Bureau of Investigation (NBI-7) nga motabang sa imbestigasyon.

Si Atty. Dominador Cimafranca ang officer-in-charge sa NBI nagkanayon nga andam sila motabang sa imbestigasyon kon may modangop kanila.

Samtang ang presidente sa League of Municipalities of the Philippines (LMP) Cebu Province Chapter, Tuburan Mayor Democrito Diamante, nikondenar sa pagpatay kang Blanco ug nanghinaot nga mahatagan kini og hustisya.                       

Cebu di na luwas

Sa Cebu City, si Konsehal Sisinio Andales miingon nga dili na karon luwas ang Sugbo ug miawhag sa kapolisan nga pahugtan pa gyud ang seguridad.

Si Konsehal Jerry Guardo naguol sab kay ang iyang pagkaila ni Blanco maayo kining negosyante ug wa nalambigit sa mga gipasangil kaniya.

Si Cebu City Vice Mayor Edgar Labella miasoy kinahanglan dunay imbestigasyon ug tan-awon ang tanang motibo dili lang motutok sa mga pasangil bahin sa ilegal nga drugas.

Gihulagway hinuon ni Labella nga luwas gihapon ang Sugbo alang sa mga law abiding citizens.

“I think with due respect again, most if not all, most of those victims were reportedly or allegedly involve in you know in social menace the drugs. But when you ask me if Cebu is safe it is still relatively safe especially to the law abiding citizens but of course the authorities must not stop conducting investigation. A thorough and relentless investigation to bring to the bar of justice those who are really responsible,” ni Labella pa. (Decemay P. Padilla/IBM)(BANAT NEWS)

HILARIO DAVIDE III
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with