Mga sakop sa CCPO-DEU gi-drug test
CEBU, Philippines – Tanang mga operatiba sa Drug Enforcement Unit (DEU) sa Cebu City Police Office headquarters ug mga police stations ang gipaubos og surprise drug testing niadtong Miyerkules sa hapon. Ang maong kalihukan matud ni Police Chief Inspector Keith Andaya pagsigurong way durugista sa ilang pundok ug kabahin kini sa gipangusgang internal cleansing.
“Siyempre part man na sa atong on going or continuous cleansing ba, cleansing sa atong PNP ranks. Mao nga from time to time ato gyud na gina-conduct-an og surprise drug testing ang atong mga kapolisan to see and for the public to know that police officers, we are clean,” si Andaya miingon.
Matud niya pagpakita usab kini sa publiko nga dili lang mga drug personalities ilang dakpon kondili hasta mga polis nga durugista.
“Usa sad na to show to the public nga dili addict ang atong mga kapolisan,” dugang pa ni Andaya. Wala pay resulta ang maong drug test apan iyang gipaniguro nga makasohan kadtong mapositibo.
Atol sa speech ni President Rodrigo Duterte sa unang pag-ari niya sa Sugbo niadtong August 21 para sa League of Municipalities Visayas Island Cluster Conference iyang ginganlan ang kapulisan sa Sugbo apil ang Philippine Drug Enforcement Agency (PDEA) -7 nga mga drug addicts. (/IBM)(BANAT NEWS)
- Latest
