Kapolisan red alert sa holiday
CEBU, Philippines — Isaka ngadto sa red alert status ang kapolisan sugod karong buntag alang sa Eid’l Adha dungan sa pag-abot ni Presidente Rodrigo Duterte sa Sugbo.
“Maski holiday we have directed all of our policemen to be in the stations except kadtong mga Muslim brothers nato, they are authorized to celebrate the Eid’l Adha,” matud ni Police Regional Office-7 Director Debold Sinas.
Ang direktor sa Cebu City Police Office, Senior Supt. Royina Garma, mibutyag nga nakahinabi nila ang usa sa mga Imam sa Dakbayan sa Sugbo kabahin sa pagpakatap og seguridad sa mga lugar diin ipahigayon ang mga kalihukan sa mga Muslim.
Tungod sa pagbisita ni Duterte, wala gibaliwala sa kapolisan ang posibilidad nga adunay magpahigayon og lihok protesta sa Sugbo hinungdan nga giandam sab nila ang pwersa sa Civil Disturbance Management (CDM).
“Maximum tolerance gihapon ta. It’s their right to express,” matud ni Sinas.
Nakig-alayon na sab sila sa Presidential Security Group alang sa dugang seguridad sa Presidente lakip na ang pagpakatap og dugang pwersa alang sa seguridad sa lugar diin ipahigayon ang tambungan sa Presidente. (BANAT NEWS)
- Latest
