Ninoy gihandum ni Cuenco
CEBU, Philippines — Karong adlawa ang ika-35 nga anibersaryo sa pagkamatay ni Senador Benigno “Ninoy” Aquino Jr. kinsa gipusil sa Manila International Airport nga karon gipasidungog sa iyang pangalan isip Ninoy Aquino International Airport (NAIA).
Bana si Ninoy ni kanhi Presidente Corazon Aquino kinsa sila ang ginikanan ni kanhi Presidente Benigno “Noynoy” Aquino III.
Si kanhi Cebu City congressman Antonio Cuenco niadtong Agosto 18, 2009 nipadangat sa iyang privilege speech sa hawanan sa Kongreso isip tribute kang Ninoy diin iyang gipadayag nga ang kamatayon ni Ninoy mao ang labing subo nga adlaw sa iyang kinabuhi apan ang bayanihong buhat nagpabilin sa nasud.
Sa eleksyon sa Senado niadtong 1967, si Ninoy ang nag-unang target ni kanhi diktador Ferdinand Marcos.
“But it is no less true that, intimately, he was victor rather that vanquished,” sigun ni Cuenco.
Sumala pa ni Cuenco nga sa ilang panaghigala ni Ninoy, usa lang ang ilang adbokasiya alang sa nasud ug daghan man ang mga naagian nga kombate apan mapasigarbuhon siya niini.
“In a word, he wanted not only to observe but also to serve,” matud ni Cuenco.
Gibutyag ni Cuenco nga una si Aquino nibiya paingon sa United States, nag-estorya pa sila sa telepono.
“It was clear that he was still the same fighting Ninoy we had known all along. He was vibrant, forceful, eloquent-defiant of the odds,” sigun pa ni Cuenco.
Sa panag-estorya pa nila determinado si Ninoy nga mouli sa nasud kay nakita niya nga iyang responsibilidad ang mabalik sa katawhan bisan pa man sa ka delikado nga posibleng mahitabo.
Ang giingong abuso sa pamunoan ni Marcos ang iyang nakita nga rason nga mobalik sa Pilipinas.
“Surely this was no ordinary man and his assassination was no ordinary murder,” dugang ni Cuenco.
Matud ni Cuenco nga sa kadugayon sa panahon gisaulog gihapon ang kadaugan kay nituo siya sa giingon ni Ernest Hemingway nga
“Man is not made for defeat. Man can be destroyed but not defeated.” Richel Ann P. Basiga, Kenna Kyla G. Calizar (BANAT NEWS)
- Latest
