18 ka giingong durugista sa Mandaue ug Danao sikop

CEBU, Philippines — Napulo ka tawo nga naglakip sa usa ka babaye ang nasikop sa checkpoint diha sa Andres Soriano Avenue, Barangay Centro, Dakbayan sa Mandaue human sila giingong nakuhaan og shabu niadtong Biyernes sa gabii.

Ang mga nasikop giila sa kapolisan nga sila si Tomas Dayot, 41, taga Lungsod sa Consolacion; Edgar Dagatan, 54, taga Barangay Tejero, Dakbayan sa Sugbo; Givan Imbornas, 27, taga Barangay Bawo, Lungsod sa Sogod; ug Erwin Pacto, 24, taga Barangay Tabunok, Lungsod sa Tabuelan.

Dugang nadakpan mao sila si Roly Caray,18, taga Barangay Basak, Dakbayan sa Lapu-Lapu; Kalel Mustad, 32, taga Basak, Dakbayan sa Lapu-Lapu; Rodley Orbeta, 18, taga Bankal, Dakbayan sa Lapu-Lapu; Cork Cosep, 21, taga Bankal, Dakbayan sa Lapu-Lapu; Hervey Tudio, 23, taga Lungsod sa Cordova ug Maria  Fe Noynay, 32, taga Barangay  Pajo sa  Dakbayan sa Lapu-Lapu.

Giingong nasakmit sa mga polis gikan sa maong mga dinakpan ang 11 ka gagmay nga paketeng shabu.

Sa laing bahin, walo ka tawo sikop sa Oplan Limpiyo nga gipahigayon diha sa lima ka barangay sa Dakbayan sa Danao nga gilangkuban sa Simangan, Guionacot,  Maslog, Taytay ug Dunggoan niadtong Biyernes.

Ang mga nasikop giila sa kapolisan nga sila si Renato Lavador; Judito Laurito, 19-anyos; John Robert Glenn Laurito; Felipe Singson Jr; 36-anyos; Marjorie Anabieza; Apolinario Tapia, 38-anyos; Charlene Tagalog, 36-anyos ug Lolita Gahi, 30.

Nasakmit gikan sa mga dinakpan ang pinutos sa gituohang ginadili nga drugas nga motimbang tanan og 2.05 gramos nga mobalor og dul-an sa P24 mil base sa Dangerous Drug Board Value, dul-an sa P2 mil nga kwarta nga gituohang halin ug lakip usab niini ang buy- bust money. (Rowena D. Capistrano/BDB)(BANATNEWS)