SWAT i-deploy sa kadalanan

CEBU, Philippines — Ipakatap usab sa Cebu City Police Office  ang pwersa sa Special Weapons and Tactics (SWAT) sa mga lugar diin dugokon sa mga tawo ilabi na sa gabii sama sa mga bars ug mga  balay kahilayan.

Ang tigpamaba sa CCPO ug deputy chief sa Police Community Relations Office nga si Police Senior Inspector Arieza Otida, nagkanayon nga ang SWAT moresponde kon adunay kagubot nga motumaw.

Kahinumduman nga gisaad ni Sr. Supt. Royima Garma nga magpakatap siya og dugang mga polis sa dalan hinungdan nga iyang gipamalhin ang 180 ka mga polis sa headquarters lakip na ang Homicide Section, Theft and Robbery Section ngadto sa nagkadaiyang police stations.

Dugang ni Otida, lakip sa pangsikopon ang molapas sa mga city ordinances. (BANAT NEWS)