Sa report sa Balitang Bisdak, gihinganlan ni Cebu City Mayor Tomas Osmeña ang usa ka Roderick Balili nga aktibong polis ang mamumuno ni Tecson ug giingong namatay kini sa tambalanan.
File
Naangol nga polis di hitman
Camille Pateres (Banat) - August 11, 2018 - 12:00am

CEBU, Philippines – Giklaro sa Police Regional Office-7 ang mga pagduda nga aktibong polis ang mibanhig patay sa ahente sa Philippine Drug Enforcement Agency 7 nga si Von Rian Tecson didto sa Barangay Perrelos, Dakbayan sa Carcar niadtong Miyerkules sa hapon.

Sa report sa Balitang Bisdak, gihinganlan ni Cebu City Mayor Tomas Osmeña ang usa ka Roderick Balili nga aktibong polis ang mamumuno ni Tecson ug giingong namatay kini sa tambalanan.

Sa pagbanhig patay kang Tecson, giingong nakabawos kini pagpusil sa hitman. May nakakita nga gitabangan sa kauban pagsakay sa motorsiklo ang hitman apan natagak kini. Adunay mga backup luwan sa usa ka SUV Pajero nga mitabang pagpasakay niini sa sakyanan ug gidala sa tambalanan.

Apan ang direktor sa PRO-7 nga si Chief Supt. Debold Sinas miklaro sa press conference kagahapon nga ang gipasabot sa mayor mao ang usa sa ilang mga operatiba sa Regional Special Operations Group nga si Senior Police Officer 1 Roderick Balili, nga nagpaalim human aksidenteng naunay sa iyang armas.

“These are complicated issues that should be tackled separately para maintindihan ninyo,” matud pa sa heneral. Matud niya napasanginlan lang si Balili sa nahitabo kang Tecson tungod kay nasamdan man kini. Si Sinas miingon nga sa dihang gi-ambush si Tecson didto sa Pinamungajan  nag-surveillance batok kang ex-PO3 Basilio Nilo Quirante alyas Tating ang grupo ni Balili. Si Quirante giingong notadong nalambigit sa ilegal nga sugal, drugas ug suspek sa pagpangrakrak niadtong Disyembre 4, 2015. Matud pa ni Sinas giingong naunay si Balili sa iyang .9mm nga service firearm sa dihang aksidenteng nakablitan sa drayber nilang kauban nga nagtunol kaniya sa armas.

“Kadtong drayber gipasa kadtong pusil ngadto kay Balili para maka-focus na siya. Nakaagi sila og hump habang nag-drive, mao ‘to nibuto,” matud pang Sinas.

Ang hepe sa RSOG nga si Senior Inspector Ricardo Bertulfo Tero miingon nga pagkadawat niya sa tawag nga naunay si Balili sa iyang armas gimando niyang dad-on kini sa Cebu South General Hospital ug karon gibalhin ngadto sa Cebu Doctors’ University Hospital diin giabunohan kini og dugo ug luwas na ang kahimtang.

Si Sinas nagkanayon nga nunot sa espekulasyon ni Osmeña ilaha unang tagoan si Balili alang sa seguridad niini apan misaad siya nga andam silang ipresentar sa media si Balili kon maayo na kini.

“We’ll be conducting a separate investigation. Second, if we receive reports na other agencies want to investigate we are open to that, we are not blocking them,” matud pa ni Sinas.

Siya miingon nga wala moubos ang morale sa kapolisan bisan pa man niining mga pasangil batok kanila. 

Una nang gipasanginlan ang usa ka polis nga si PO3 Eugene Calumba nga nisuway og ambush kang Tejero Kagawad Jessielou Cadungog apan ang maong polis na hinuon ang napatay ni Williman Macaslang nga bodyguard sa kagawad ug nadakpan si Michael Banua nga drayber ni Calumba. Gihimakak ni Sinas ang pasangil batok ni Calumba ug Banua.

Ang hepe sa Pinamungajan Police Station nga si Police Chief Inspector Alfredo Kuhay mikompirmar sa Banat News nga aduna silay nadawat nga tawag nga nagpahibalo nga adunay “naunay” sa armas.

Apan wala ibutyag kon polis ba ang naunay kay wala kini niadto sa ilang buhatan aron magpa-blotter. (/IBM)(BANAT NEWS)

PNP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with