Si Democrito Gallarde, 53, namatay sa Vicente Sotto Memorial Medical Center (VSMMC) human na-admit tulo ka adlaw na ang nilabay.
File
Laing piniriso sa CPDRC giatake patay
Le Phyllis F. Antojado (Banat) - August 11, 2018 - 12:00am

CEBU, Philippines – Laing piniriso sa Cebu Provincial Detention and Rehabilitation Center ang namatay tungod sa sakit sa kasing-kasing sulod sa tambalanan kagahapon sa kaadlawon.

Si Democrito Gallarde, 53, namatay sa Vicente Sotto Memorial Medical Center (VSMMC) human na-admit tulo ka adlaw na ang nilabay.

Matud ni CPDRC Warden Reynaldo Valmoria nga namatay si Gallarde tungod sa “cardiogenic shock secondary to heart failure” base sa pag-assess sa doktor.

Si Gallarde, taga Poblacion, Tuburan, napriso niadtong Agosto 2013 tungod sa pagkalambigit sa ilegal nga drugas.

Siya ang ikaduhang piniriso nga namatay sulod sa usa ka semana.

Niadtong Sabado usa ka piniriso sa CPDRC ang namatay human giatake sa kasing-kasing samtang nag-exercise sulod sa iyang selda. Si Roland Fuentes adunay kasong murder. Si Valmoria nagkanayon nga nakatampo ang kahuot na sa prisohan sa panglawas sa mga piniriso sa CPDRC. (/GMR)(BANAT NEWS)

CPDRC
Philstar
  • Latest
Latest