Tumulak gikasohan sa CIDG-7
Le Phyllis Antojado (Banat) - August 10, 2018 - 12:00am

CEBU, Philippines – Gipasakaan og tulo ka kaso sa Criminal Investigation and Detection Group (CIDG)-7  si Cebu City Councilor Dave Tumulak may kalabotan gihapon sa nahitabong pagpamusil nga naglambigit ni Brgy. Tejero Kagawad Jessielou Cadungog ug drayber niini nga si William Macaslang.

Si Tumulak gikasohan og physical injuries, grave threats ug grave coercion  diha sa Cebu City Prosecutor’s Office.

Matud ni Atty. Inocencio Dela Cerna  ang consultant sa CIDG-7 nga aduna silay 11- anyos nga saksi nga nakakita nga gikulata ni Tumulak si Michael Banua ang drayber sa motor nga giingong suway unta sa pagbanhig nila Cadungog.

Base sa affidavit ni Banua gitionan siya og pusil ni Tumulak ug gisukitsukit.

Si Dela Cerna nagkanayon nga aduna silay testigo nga nakakita nga anaa sulod sa sakyanan si Cadungog sa dihang nahitabo ang pagpamusil diin napatay ni Macaslang si PO3 Eugene Calumba.

Matud ni Dela Cerna makatabang sa kasong murder ug frustrated murder batok nilang Cadungog ug Macaslang ang kaso ni Tumulak ug sa laing tulo ka John Does nga taga Barangay Basak Pardo nga giapil nila og kiha.

Si Tumulak, chairman sa Committee on Public Order and Safety ug Deputy Mayor for Police Matters sa iyang bahin miingon nga namakak si Banua sa mga gipasangil niini kaniya.

Sigon niya sa iyang mahinumduman anaa siya likod sa pick-up ug sa sulod sa maong sakyanan mao sila si Banua, usa ka polis nga nadestino sa Waterfront Police Station ug mga tanod sa Barangay Tejero.

Matud niya wala gyud niya dapati si Banua ug siya pay nibadlong sa mga tawo ug iyang giluwas ug gidala sa Cebu City Medical Center.

“Akoa lang, just to save the life of Banua. When I arrived at the scene bloodied siya inside the hi-lux pick up so I decided to send him along with the police PO2 Cabañero and the rest of the tanods to Cebu City Medical Center,” matud ni Tumulak.

Masaligon siya nga mabasura ang kaso apan andam siyang moatubang niini. (Decemay P.Padilla/IBM)(BANAT NEWS)

CIDG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with