Tulo ka sunog niulbo sa Dakbayan sa Talisay ug Sugbo
Gabriel C. Bonjoc (Banat) - August 9, 2018 - 12:00am

CEBU, Philippines – Nisilaob ang mga butang nga naa sa junkshop human nagdaob ang silingan niini didto sa 11 Street, UP Lot, Barangay Lawaan 1, Dakbayan sa Talisay kagahapon sa buntag.

Si SFO1 Guiller Pegarido sa Talisay City Fire Station nibutyag nga si Walter Lobiano, 40-anyos  nagdaob diha sa kilid sa iyang panimalay sa dapit nga gipundohan sa mga kaha sa telebisyon nga ginama sa plastik sa junkshop nga gipanag-iya ni Geraldine Abrenica.

Ang gihimong koral sa junkshop mga ginamit nga sin hinungdan nga nalanay ang mga plastik hangtud nga nisilaob kini.

Daling niresponde ang kabomberohan ug sa ilang pag-abot nakabomba lang sila og tubig sulod lang sa usa ka minuto tungod kay nahinayhinay man og pawong sa mga residente sa lugar ang kayo.

Sa laing bahin, dul-an sa P100 mil ang danyos sa duha ka sunog nga niulbo sa Dakbayan sa Sugbo sulod sa 24 oras.

Unang sunog niulbo sa may Corner V. Rama, L. Bacayo Street, Barangay Guadalupe, Dakbayan sa Sugbo niadtong Martes sa gabii.

Giingong ang maong sunog nagsugod sa panimalay ni Juliet Casquejo diin lima ka balay ang hingpit nga naugdaw sa maong hitabo.

Si Chief Inspector Noel Nelson Ababon, fire marshal sa Dakbayan sa Sugbo nagkanayon giisa ngadto sa second alarm ang maong sunog ug gibana-banang niabot ngadto sa P75 mil ang danyos niini. Samtang kagahapon sa buntag, laing sunog ang niulbo sa may Sitio Larima, Barangay Mambaling, Dakbayan sa Sugbo.

Ang maong sunog nga giisa usab sa second alarm ug ang balay nga gipanag-iya ni Niel Labrador ug gipuy-an ni Constancia Amatiaga, 72-anyos ang hingpit nga naugdaw. Gibana-banang niabot ngadto sa P20 mil ang danyos sa maong sunog. (Rowena D. Capistrano/BDB)(BANAT NEWS)

 

TALISAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with