Apan ang director sa Police Regional Office-7, Chief Supt. Debold Sinas dali kaayong nihimakak sa alegasyon nga gi-ambush sa duha si kanhi barangay kapitan ug karon Kagawad Jessilou Cadungog.
File
Barangay kagawad ‘gi-ambush’
Decemay P. Padilla, Rowena Capistrano, Le Phyllis Antojado, Camille Pateres (Banat) - July 31, 2018 - 12:00am

CEBU, Philippines —  Kanhi barangay kapitan sa Barangay Tejero, Cebu City gikatahong gisuwayan sa pag-ambush, apan ang gunman nga usa ka aktibong polis napatay sa bodyguard sa kagawad ug nadakpan usab ang drayber niini nga police asset diha sa T. Padilla Extension corner Alviola Street , sa maong barangay kagahapon sa buntag.

Apan ang director sa Police Regional Office-7, Chief Supt. Debold Sinas dali kaayong nihimakak sa alegasyon nga gi-ambush sa duha si kanhi barangay kapitan ug karon Kagawad Jessilou Cadungog.

Nagtoo si Cebu City Mayor Tomas Osmeña nga adunay kalambigitan ang kapolisan sa nahitabo.

Si Osmeña kinsa didto usab sa National Bureau of Investigation (NBI) kagahapon nagkanayon nga kon arestohon si Cadungog, nganong wala man himoa sa buhatan niini ug didto gyud sa dalan?  “Nasakpan gyud nga the police is very much involved in this crime,” matud sa mayor.

Polis diay

Ang gipasanginlang gunman nga napatay mao si PO3 Eugene Alain Calumba ug sa police asset nga si Michael Banua. Si Calumba nadestino sa Parian Police Station.

Didto sa NBI-7, ang driver ni Cadungog kansang pangalan wala una gibutyag alang sa iyang seguridad niangkon nga siya ang nakapusil kang Calumba nga sakop diay sa Drug Enforcement Unit sa Parian Police Station. Matud niini nakita niini nga mibunot sila sa ilang armas samtang iyang gimaneho ang sakyanan ni Cadungog nga padung niyang tubilan sa gasolinahan. Si Cadungog maoy unang nagmaneho sa sakyanan apan mikanaog siya ug gisugo ang drayber nga patubilan ang sakyanan.

Matud pa sa driver, gikan siya sa barangay hall sa dihang nakabantay siya sa duha ka lalaking nagmotor nga nagsige og sikit ug gusto mo-overtake  bisan sa kahagip-ot sa lugar. Hangtud nga iyang nabantayan nga nibunot sila og mga armas mao nga iyaha kining giunhan og pusil.

Giingong ang armas ni Cadungog nga gibilin diha sa sakyanan ang iyang gigamit. Matud sa drayber nanalipod ra siya sa iyang kaugalingon. Gani human sa pagpamusil nidagan siya sa lain nga direksyon tungod sa iyang kahadlok.

Si Cadungog sa iyang bahin nitug-an nga pipila ka mga adlaw ang nilabay nakadawat siya og hulga pinaagi sa text hinungdan tanan niyang mga lakaw iyang giusab-usab.

Gibutyag ni Cadungog, aduna siyay mga nadawat nga impormasyon nga adunay mga tawong nagsige og pangutana bahin kaniya diha sa ilang lugar bisan og kaadlawon hinungdan nga nagmatngon siya sa iyang mga lakaw.

Wala siya masayod unsay rason nga siya patyon kay limpyo man unta iyang konsensya ug wala siyay gibuhatan og daotan.

Wala siya moduol sa kapulisan tungod sa iyang kahadlok ug didto siya midangop ni Osmeña kinsa midala kaniya sa NBI.

Si Cadungog nitug-an nga aduna siyay mga papeles nga ikapakita may kalabutan sa iyang armas.Si Cadungog una nang nahisgotan sa media sa miaging buwan human nasayran nga ang armas sa kontrobersiyal nga polis nga si SPO1 Adonis Dumpit nga napatay didto sa Bohol gikan kaniya.

Giunhan ang polis

Atol  sa press conference kagahapon, giklaro ni Sinas nga nagpahigayon lang og surveillance silang Calumba ug si Banua.

Matud niya si Banua taga Dumaguete City nianhi sa Sugbo aron mangita og trabaho.Matud niya managkaila si Calumba ug Banua kay pareho silang taga Negros Oriental. Sumala pa ni Sinas paingon na mamalik sa estasyonan ang duha ug miaksyon og overtake sa usa ka puwa nga FJ Cruiser apan kalit silang gipabuthan sa nagmaneho niini. Apan kon tan-awon ang crime scene, pipila ka metros ang distansya ang sakyanan sa  kagawad ug sa motorsiklo diin nahagba si Calumba. Si Banua gikuninitan sa mga tawo hangtud nga naabot si Cebu City Councilor Dave Tumulak gidala ug kini sa tambalanan.

Bisan sa hanap pa kaayong dagan  sa imbestigasyon gipasalig ni Sinas nga madawat ni Calumba ang tanang benepisyo.

“Automatic all that is entitled for him. Honors and all,” nagkanayon ang direktor.

Si Sinas nagtuo nga nagtug-an sa tinuod si Banua mao nga ilaha kining gipaubos sa ilang proteksyon isip saksi kay ilahang gitumbok si Cadungog nga prime suspect sa maong hitabo.

“We will be checking paraffin ug pusil kung niboto ba. Check ang trajectory sa sakyanan kung naa ba if they could prove nga wala gyud makapusil ang among tawo, it’s another story. Lisud mag-speculate,” matud pa sa heneral.

Gihulagway ni Sinas nga armed and dangerous si Cadungog kay duna silay nadawat nga video diin makita nga nagdala-dala kini og armas sa gawas ilang balay sa miaging adlaw.

Tampering?

Nasuko usab si Sinas pagkasayod nga gikuha ni Tumulak ang mga Identification Cards nilang Calumba ug Banua kay matud niya tampering of evidence ang gibuhat niini.

Gibutyag usab ni Sinas nga misumbong kanila si Banua nga gidapatan siya ni Tumulak. Apan si Tumulak sa pakighinabi sa mga media pinaagi sa telepono mihimakak niini kay siya pa maoy midala niini sa tambalanan.

Matud niya wala siyay nalapas nga balaod ug angay pang magpasalamat kaniya ang kapulisan kay nasalbar niya ang ikaduhang suspek nga gitabangan og kulata sa mga tawo sa lugar.

Giklaro niya nga wala siyay gikuha sa crime scene kay gi turn-over lang kaniya sa hospital personnel ang mga personal nga gamit ni Banua. Iya unta kining gi- turnover sa CIDG-7 apan way opisyal nga midawat ug wa say nidawat sa CCPO mao nga iyaha kining gipasa sa mayor.

Kagahapon sa hapon, giimbitar si Tumulak sa kapulisan gikan sa buhatan sa NBI-7 nga mopatim-aw sa CCPO.

Si Osmeña nasagmuyo sa dihang iyang nasayran nga si Banua kinsa nakagawas ra dayon sa tambalanan kay wala ra kini maunsa ug gidala ngadto sa Waterfront Police Station,  pugsanong gikuha sa CIDG.

Gusto sa mayor paesplikaron si Cebu City Police Office Director Sr. Supt. Royina Garma sa nahitabo kay siya man ang kanhi hepe sa CIDG- 7 una pa kini gibalhin isip City Police Director sa CCPO.

Criminal City

Ang assistant regional director sa NBI Dominador Cimafranca mitug-an sa media nga may kamandoan gikan sa ilang labaw nga sila maoy mokustodiya nilang Cadungog.

“The instruction is to safeguard and protect their security and considering there’s an ongoing probe on the matter, mo-coordinate ‘ta sa authorities,” matud ni Cimafranca.

Si Osmeña midason sa pamahayag sa usa sa iyang mga kritiko nga si Konsehal Pastor Alcover Jr. nga ang siyudad usa na karon ka “criminal city” tungod sa mga pagpatay.

“They say Cebu is safe. It’s not safe. I told you that already. It’s not safe. Something is wrong. Something is out of place,” asoy ni Osmeña.

Bisan si Vice Mayor Edgardo Labella dihang gipangutana kun luwas pa ba ang siyudad kini maoy iyahang tubag: “If the crime has been perpetrated by supposed law enforcers, then that’s something that will cause an alarm.”

Tungod niini, gusto sa mayor nga armasan ang mga tanod ug mga kapitan aron proteksyonan ang ilang komunidad. (BANAT NEWS)

DEBOLD SINAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with