‘Passport on Wheels’ gilugwayan
CEBU, Philippines — Unang gipahibawo ni Konsehal Raymond Alvin Garcia sa Dakbayan sa Sugbo ang Passport on Wheels sa official Facebook page niini diin daghang Sugbuanon ang nidagsa sa iyang buhatan ug niduso sa mga gikinahanglan nga mga dokumento alang sa mga gustong mokuha ug mo-renew sa passport.
Nagsugod ang pagpanawat sa mga dokumento sa niaging semana ug ang katapusang adlaw unta niini niadto rang Biyernes, Hulyo 20.
Apan sigun ni Garcia nga nakadawat siya og feedback gikan sa netizens ug daghan sab ang nanawag kaniya diin kadaghanan nila naglisud og submit niadtong Biyernes.
Hinungdan nga nanawag si Garcia sa buhatan ni Presidential Assistant for the Visayas Michael Dino ug giadto nila ni Bise Mayor Edgardo Labella ug natuman gyud nga lugwayan ang pag-submit sa gikinahanglan nga dokumento.
Ang deadline karong adlaw’ng Martes, Hulyo 24, sa alas 4 sa hapon ug tungod kay nahurot na ang unang 1,000 slots nga gitagana, laing 1,000 slots ang gihatag sa Department of Foreign Affairs.
Kahinumduman nga ang konsehal nakadawat og mga reklamo gikan sa mga Sugbuanon labot sa pagkuha og passport hinungdan nga gitawagan niini si Labella ug sila nihangyo sa OPAV sa pagtawag sa DFA nga mopahigayon og Passport on Wheels. (/GMR)(BANATNEWS)
- Latest