Roach dunay tambag ni Pacquiao
CEBU, Philippines — Nag-iyahay na man tuod sila og dalan, apan si Hall of Fame trainer Freddie Roach nagpakabana gihapon sa paborito niyang boksidor nga si Manny Pacquiao.
Sa labing unang higayon sud sa 16 ka tuig, si Roach wala sa kiliran ni Pacquiao sa dihang gitumba
niini si Lucas Matthysse tulo ka higayon dayon na ngadto sa impresibong 7th round TKO nga kadaogan aron sakmiton ang WBA welterweight title niadtong miaging Domingo didto sa Axiata Arena sa Kuala Lumpur, Malaysia.
Apan ang pag-itsapuwera kaniya ni Pacquiao wala nagpasabot nga si Roach wala na'y pagbati ug dili na manginlabot pa sa mga kalihukan sa Pinoy ring star.
Gani si Roach mipadayag nga mapasigarbuhon siya sa kadaogan ni Pacquiao batok ni Matthysse.
"I was with Manny for 16 years, I'm a fan. He fought a very good fight. I was proud of him. He did
very well. Him and Buboy pulled it off. It was a nice performance," matud pa ni Roach ngadto sa BoxingScene.com.
Gawas nga midayeg ni Pacquiao, mihatag sab siya og tambag kabahin sa sunod niining away.
Alang ni Roach, mas maayo nga sangkaon sunod ni Pacquiao si WBA lightweight champion Vasyl Lomachenko ug likayan si WBO welterweight champion Terence Crawford.
Kon ugaling si Lomachenko ang makaharong ni Pacquiao, si Roach nagkanayon nga ang away angay mahitabo ubos sa 140 ka libras nga timbang ug dili ubos sa 135 lbs. segun sa gusto ni Loma.
- Latest