Bilyones kitaon sa CICC sa lima ka tuig
CEBU, Philippines – Gilauman nga ang kaugmaran sa Cebu International Convention Center (CICC) isip tourism magnet sa Dakbayan sa Mandaue dili lang makahatag og dugang kahigayunan sa panarbaho kun dili makahatag kini og dugang kita sa kagamhanan.
Si Mayor Gabriel Luis “Luigi” Quisumbing ang nakapanglantaw na daan sa dakung kantidad unya nga masulod sa panudlanan sulod sa lima ka tuig unya nga operasyon.
Gipaabot ang P3 bilyones ngadto sa P5 bilyones nga buhis nga makuha gikan sa Millennium Pan-Asia Hotel and Resort Inc. (MPAHRI) nga maoy nagplano sa pag-ugmad sa CICC.
“We hope that this is the first snowball in what will be an avalanche of economic benefit for Mandaue City,” nagkanayon si Quisumbing.
Gilauman ni Quisumbing nga ang economic development sa Dakbayan sa Mandaue adunay maangkon nga kalamboan kay sa ingon makapaabot usab ang katawhan og mga kalamboan sa panerbisyo ngadto sa katawhan.
“It will bolster our local economy through taxation sa local revenue. Aside from that, it is projected to create 5,000 new jobs.
The commitment of the developer is that a minimum of about 60 to 70 percent of those jobs are going to be filled by Mandauehanons,” dugang pa niya. (/GMR)(BANAT NEWS)
- Latest
