Inihaw nga manok gisakmit
CEBU, Philippines — Inihaw nga mga manok nga gipangbaligya sa merkado sa Tabunok, Dakbayan sa Talisay ang gisakmit sa taga Provincial Veterinary Office inubanan sa taga City Veterinary Office kagahapon sa alas 5 sa buntag.
Ang grupo nila ni Rudillo Codilla sa PVO sa Sugbo nirumbo sa merkado sa Tabunok aron sa pagpahigayon og inspeksyon.
Apan sa ilang pagsulod ilang nakit-an ang 18 kilos nga inihaw nga manok nga gibutang lang sa sawog sa merkado lakip na ang 10 ka kilo nga tiil sa manok.
Wala sila maglangay ila kining gisakmit tungod sa sayop nga pagdala sa mamaligyaay sa ilang produkto.
Gidili gyud ang pagbutang sa mga palaliton sa bisan asa nga lugar ilabi na nga pagka-on kini sa mga mamalitay.
Kinahanglan nga pabiling limpyo gyud ang mga produktong ipangbaligya sa merkado.
Padayun ang ilang operasyon sa bisan asa nga merkado. GMR (BANATNEWS)
- Latest
