Pagpatuman sa mga ordinansa gihan-ay

CEBU, Philippines – Nakigtagbo si Bise Mayor Edgardo Labella kang Konsehal Dave Tumulak, chairman sa committee on public order and safety, mahitungod sa pagpatunhay sa kahapsay ug kalinaw sa siyudad. Kuyog nila mao si Supt. Ryan Devaras isip representante ni Cebu City Police Office Director Royina Garma.

Gipahibawo nila ang kapolisan sa mga ordinansa sa siyudad alang sa sakto ug epektibong pagpatuman niini.

Pipila sa mga importanteng natuki mao nga sa pagpatuman sa balaud angay i-obserbar ang “rule of law” ug angayan mosunod sa unsay nakalatid sa ordinansa.

Daghan og ordinansa nga angay ipatuman sama sa anti-loitering, anti-noise, internet, anti-trafficking ordinance ug uban pa.

Si Tumulak sa iyang bahin niingon nga ang kagamhanan sa siyudad andam mosuporta ug mopatuman sa ordinansa aron mamintinar ang kahapsay ug kalinaw.

“One thing in common ba nga to maintain public order and safety especially in Cebu City. This is for the good sad sa atong mga batan-on para pud sa mga mama, as long as we have achieve peaceful Cebu City, that’s the main thrust,” asoy ni Tumulak.

Samtang si Devaras nibutyag nga gimanduan siya ni Garma nga makig-alayon gyud sa siyudad labot sa implementasyon sa city ordinances hinungdan nga nakigkita gyud sila sa bise mayor ug sa konsehal. (/GMR)(BANAT NEWS)