Mayor way gahum sa STL
(Banat) - July 12, 2018 - 12:00am

CEBU, Philippines — Walay gahum ang mga mayor sa operasyon sa mga small town lottery (STL) sa Philippine Charity Sweepstakes Office diha sa kalungsuran ug siyudad.

Kini ang katin-awan nga giluwatan sa PCSO ug Saturn Gaming N’ Amusement, ang authorized agent corporation, sa tibuok Lalawigan sa Sugbo atol sa Open Forum sa niaging adlaw nga gitambungan sa mga hepe sa kapolisan nga gipangulohan ni Cebu Provincial Police Office Director Manuel Abrugena.

Nasayran nga ang kagamhanan sa Dakbayan sa Toledo ug Bogo ang niluwat og cease and desist order sa pagpahunong sa operasyon sa STL gumikan sa wala pagkuha og business permit.

Matud ni Glen Jesus Rada, PCSO Cebu branch manager, nitataw nga mismo ang Department of Justice niingon nga exempted ang mga STL sa mga lokal nga lisensiya ug permit sanglit ubos sila sa national franchise.

Si Rada nipahibawo nga moduso sila sa mga dokumento ngadto sa mga mayor subay usab sa ilang nasabutan tali ni Police Regional Office-7 Director Dibold Sinas.

Ang PCSO moduso og updated list sa mga ahente aron matan-aw kung kinsa kadtong naghimo og ilegal ug dili accredited sa PCSO. 

Mahitungod sa mga ahente, matud ni Atty. Joan Largo, abogado sa Saturn, nga kadtong walay ikapakita nga ID ang ipadakop sa kapolisan ug dili kinahanglan nga kini isul-ob kuyog sa uniporme. Awhag usab ni Largo sa kapolisan nga dili mopatuman sa kamanduan sa mayor sa pagpahunong sa operasyon sa usa ka STL outlet.

Si Abrugena nanghinaut nga human sa maong forum may katin-awan na ang iyang mga sakop kabahin sa operasyon sa STL sa tagsatagsa ka lugar. (Nova Jane A. Yanson, SWU-Phinma Intern/GMR)  (BANAT NEWS)

SMALL TOWN LOTTERY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with