Osmeña, Sinas managlahi ang panan-aw sa seguridad
CEBU, Philippines — Gihulagway ni Cebu City Mayor Tomas Osmeña nga dili na luwas ang siyudad tungod sa wala nay kahadlok sa mga kriminal.
Kini nunot sa sunod-sunod nga pagpamusil sa niaging adlaw diin daghang kinabuhi ang nakalas.
Matud ni Osmeña nga sakto ang lakang ni Cebu City Police Office director, Senior Superintendent Royina Garma, pagpakatap sa kapolisan gawas sa headquarters. Hinoon wala ra nabalaka si Osmeña sa iyang seguridad.
Ang direktor sa Police Regional Office-7, Chief Supt. Debold Sinas, sa iyang bahin nipadayag nga luwas gihapon ang Dakbayan sa Sugbo taliwa sa mga patay niadtong Martes sanglit pulos kadto mga isolated cases.
"Killing is not the only gauge to be peaceful. As a regional director I still consider peaceful and good ang peace and order situation sa Cebu City," matud ni Sinas. (GMR) (BANAT NEWS)
- Latest