Polis naunay sa armas

CEBU, Philippines — Sakop sa Special Weapons and Tactics (SWAT) sa Cebu City Police Office naangol human aksidenteng naunay sa iyang armas atol sa pagpraktis niini og pusil diha sa firing range sa Barangay Tawason, Dakbayan sa Mandaue niadtong Lunes sa hapon.

Ang maong polis giila nga si Police Senior Inspector Miles Damoslog. Sigun pa sa hepe sa CCPO SWAT nga si Police Chief Insp. Stanley Sabang gipaubos og training sa Urban Assault Course ang maong mga polis.

Apan aksidenteng nakablit ni Damoslog ang iyang service firearm nga anaa pa sa holster niini ug nibuto paingon sa iyang tiil.  Kasamtangang nagpaalim pa sa tambalanan ang maong polis. (IBM) (BANAT NEWS)