Upat ka giingong nagsugal sikop
CEBU, Philippines — Upat ka tawo kinsa nagduwa og “drop ball” ang gisikop sa kapolisan sa Dakbayan sa Talisay niadtong Sabado sa kadlawon diha sa Rabaya Street, Barangay Tabunok. Ang mga nasikop nga mga residente usab sa kabarangayan sa siyudad mao sila si Josephine Vinculado, 45-anyos, minyo, taga Sitio Candaya, Barangay Mohon; Mar Rabaya, 35, taga Barangay San Isidro; Jaremie Bordago, 23, taga Sitio Tabulasan, Barangay San Isidro ug Victor Robin, 42, nagpuyo sa Candaya, Barangay Mohon.
Si Superintendent Marlu Conag, hepe sa kapolisan sa siyudad nibutyag nga motumaw ang matang sa sugal panahon sa pista o magsingabot pa ang kapistahan sa usa ka lugar.
Giingong ang kapolisan nakadawat og reklamo ug walay tukmang dokumento ang nag-operate sa nahisgutang sugal.
Gawas sa ilegal nga sugal padayon usab ang kampaniya sa kapolisan sa siyudad batok sa ilegal nga drugas. (BANAT NEWS)
- Latest
