Skate park tukoron

CEBU, Philippines — Makaangkon na unya og kaugalingon ug luwas nga skate park ang siyudad sa Sugbo nga tukoron diha sa South Road Properties nga kaniadto pa gisaad ni Cebu City Mayor Tomas Osmeña.

Ang iyang igsuon nga si Minnie maoy matud pa modonar og $100,000 o P5 milyones alang sa pagtukod sa maong pasilidad.

“We’re going to start the skate board park using private funds. I want it up immediately. No more supplemental budget, program of works and estimates,” matud pa sa mayor.

Ang mayor naglaraw nga magbutang og one-stop sports hub sa SRP, ug prayoridad karon ang skate park tungod sa hangyo sa nagkadaghang nahilig niini. Anha kini tukoron sa usa ka luna sa Mambaling Access Road of SRP. (Gikan sa The Freeman/IBM)(BANATNEWS)