Unom nasikop sa drug bust
CEBU, Philippines – Unom ka tawo ang nadakpan sa managlahing operasyon sa kapolisan dinhi sa Sugbo.
Nadakpan sa grupo ni Chief Inspector Jaime Tolentino sa Presinto 5 sa Lapu-Lapu City Police Office (LCPO) sila si Eduardo Paz Igot ug Jhunwin Duha Duag diha sa Saac Uno, Buaya sa maong dakbayan.
Nakuha gikan sa duha ang 20 ka gagmay nga paketeng shabu ug P400 nga marked money.
Samtang nadakpan usab si Reynante Arnoco, 48, taga Bongoyan, Lungsod sa Borbon atol sa buy bust operation nga gihimo ni Senior Inspector Welther Grapa ug nasakmitan kini og usa ka medium size nga shabu.
Laing nadakpan sila si Cyndy Puebla Almacen, Rex Baldoza Morales, Evelyn OLtadora Roble sa Barangay Sabang sa Dakbayan sa Danao.
Si Superintendent Jaime Quiocho nga maoy officer in-charge sa Danao City Police Station miingon nga nasakmit gikan sa mga suspek ang 18 ka gagmay nga paketeng shabu ug ang gituohang halin niini nga P1,363. (/IBM)(BANAT NEWS)
- Latest
